சசிதான் இந்த பிளான் போட்டவன். இருதயா போனபின் அவனுக்கு மிகவும் மன உளைச்சலாகிவிட்டது.
அதிலிருந்து அவன் வெளியே வரவிரும்பினான். அதற்கு போதைதான் அவனுக்கு உதவியாக இருந்தது.!
சம்சு வேலை இருந்ததால் வரவில்லை. சசிக்கு அப்போதைக்கு கிடைத்தவர்கள் இவர்கள் இரண்டு பேர் மட்டும்தான். !
வழக்கமாக பீர் குடிப்பவன் இப்போது பிரான்டி குடிக்க விரும்பினான்.
மூடியைத் திறந்து ஒன் யூஸ் டம்ளரில் பிரான்டியை ஊற்றினான் காத்து.
சோடா ஊற்றி கலந்து
”ம்.. எடுத்துக்கங்கடா..” என்றான்.
”சியர்ஸ்..”பண்ணி.. மூவரும் டம்ளரைக் காலி செய்தனர்.!
சரக்கு கொஞ்சம் கொஞ்சமாக உள்ளே போக.. போதையில் மிதக்கத் தொடங்கினான் சசி..!
அவன் மனதில் இருந்த பாரமங்கள் எல்லாம் அவனை விட்டு நீங்கிப் போய்விட்டது போல் இருந்தது. !
அன்று மாலைவரை.. ஆற்றில் நீராடி.. ஆத்தங்கரையில் போதையில் மிதந்தார்கள்…!!
சசி மிகவும் டல்லாக இருந்துகொண்டிருந்ததைப் பார்த்து குமுதா கேட்டாள்.
”என்னடா.. ரொம்ப டல்லாருக்க போலருக்கு..?”
”யாரு.. நானா..? இல்லயே..” என்றான்.
”டேய்…பொய் சொல்லாத..” என அவன் பக்கத்தில் வந்து உட்கார்ந்தாள்.
”ஆமா.. அப்படியே.. உன்கிட்ட பொய் சொல்லி.. நான் பெரிய்ய்யயய….”
சிரித்தாள்.
”இருதயா போனதுலருந்தே.. நீ நார்மலா இல்லயே..? உண்மையா இல்லையா..?”
”ஏய்.. பேசாம இருக்க மாட்ட நீ.. தேவையில்லாம சம்பந்தமில்லாத எதையாவது கேட்டுட்டு இருக்காத..”
”உங்களுக்குள்ள.. ஏதாவது.. இருந்துச்சாடா..?”
”ஏய்.. லூசு.. நீயா எதையாவது கற்பனை பண்ணிட்டு.. தத்து பித்துனு ஒளறாத..” எனச் சொன்னாலும்.. அவன் மனதுக்குள் அந்த வருத்தம் இருக்கவே செய்தது.
”என்னமோடா.. நான் நம்பல..” என்றவளின் மண்டையில் கொட்டினான் சசி.
”நீ நம்பலேன்னா பரவால்ல.. வாய மூடிட்டு இரு..!!”
”எது சொன்னாலும் என் வாய அடைக்கறதுலயே இருடா.. ஒன்னும் பேச விட்றாத..”
”இப்ப என்ன பேசனுங்கற..?”
”உனக்கு என்ன வயசு ஆசசு தெரியுமா இப்ப..?” என குமுதா கேட்க.. அவளை முறைத்தான் சசி.
ஆனால் ஒன்றும் பேசவில்லை.
”சொல்லுடா ” என்றாள்.
கடுப்பாகி ”ஏய்.. இந்த.. ஒனனுந்தெரியாதவாளட்ட கேக்காத.. இப்ப உன் பிரச்சினை என்ன..? அத சொல்லு..” என்றான்.
அவனது கோபத்தை அவள் லட்சியம் பண்ணியதாகத் தெரியவில்லை.
உதட்டில் தவழ்ந்த குறுஞ்சிரிப்புடன் சொன்னாள்.
”உன் செட்ல எல்லாருக்கும் கல்யாணமாகிருச்சு தெரியுமா..?”
”ஆ.. அப்படியா…?” என இழுத்தான்.
”காத்தும் பெத்துருவான் இன்னும் கொஞ்ச நாள்ள..”
”அவன் பெக்கறதுல்ல.. அவன் பொண்டாட்டி பெப்பா…”
”நெக்கலு..?”
”பின்ன.. நீ பேசறது மட்டும் என்னவாம்.. நான் என்ன உன் புருஷன்னு நெனச்சியா.. நீ எப்படி பேசினாலும் பொருமையா பதில் சொல்றதுக்கு..?”
”இப்ப அந்தாள ஏன்டா உள்ள இழுக்கற..?”
”எவன் எவனையோ நீ இழுக்கறது இல்ல..? இப்ப புரியுதா.. பொழுது போகாம பேசினா இப்படித்தான் வந்து சேரும்..”
”டேய்.. நான் ஒன்னும் பொழுது போகாம பேசல..”
”ஆ.. அப்படியா..?” என அவன் கிண்டலாகச் சிரித்தான்.
அவன் தோளில் அடித்தாள்.
”எகத்தாளன்டா உனக்கு..”
”சரி.. அந்த முக்கியமான விசயத்த சொல்லு… பாக்கலாம்..”
”உனக்கு கல்யாணம் பண்ணனும்னு எண்ணமே இல்லையா..?”
”இல்ல.. போய் உன் வேலைய பாரு..”
”அதில்லடா.. பொண்ணு இப்பக்கூட ரெடியா இருக்கு.. நீ ஓகே சொன்னா போதும்.. நாளைக்கே போயிடலாம்..”
”எங்க போற..?”
”பொண்ணு பாக்க…! பொண்ணு யாரு தெரியுமா..? உங்க மச்சானோட ஒன்னுவிட்ட அக்கா பொண்ணு.. நானும் பாத்தேன். ஆள் சூப்பரா இருக்காடா.. வீடு.. வாசல்னு.. எல்லாம் நல்லா வசதியாத்தான் இருக்காங்க.. உனக்கு நல்லா ஜோடி பொருத்தமும் இருக்கும்..”என அவள் மூச்சுவிடாமல் சொல்ல…
சிரித்தவாறு கேட்டான் சசி.
”அவ்வளவுதானா..?”
”வெளையாடாதடா.. கொஞ்சம் ஒழுக்கமா பதில் சொல்லு.. போய் பாக்கலாமா.?”
”ம்கூம்.. வேண்டாம்..”
”ஏன்டா…?”
”இப்ப வேண்டாம்..”
”அதான்.. ஏன்..?”
”விட்றுன்னா.. பேசாம விட்றேன்.. அத விட்டுட்டு.. ஏன் எதுக்குனுட்டு..” அவன் கோபப்பட…
அவன் தோளில் கை வைத்து..
”அதுக்குத்தான் கேட்டேன்.. இருதயாள ஏதாவது..லவ் பண்றியா.. ஏதாவது பிளான்ல இருக்கியானு..? அப்படி இருந்தா ஆமானு சொல்லிரு.. அவ படிச்சு முடிக்கறவரை வெய்ட் பண்ணலாம்.. என்ன சொல்ற..?”
”ம்.. மூடிட்டு எந்திரிச்சு போ னு சொல்றேன்..!” என்றான் கடுப்புடன்.
ஆனால் குமுதா அவ்வளவு சுலபத்தில் அவனை விட்டுவிடுபவளாக இல்லை.
அவனை மேலும் கேள்விகள் கேட்டுக் குடைய…
டென்ஷனாகி எழுந்து வெளியே போனான்.!
உண்மையில் அவனுக்கே இந்த விஷயத்தில் என்ன முடிவு எடுப்பது என்று தெரியவில்லை.
இருதயாவுடனான அவன் காதல் எதுவரை நீடிக்கும்.. எவ்வளவு காலம் தொடரும் எனப் புரியாத நிலையில் அவன் எதையும் சொல்லி வம்பில் மாட்டிக்கொள்ளத் தயாராக இல்லை. !
ஆக மொத்தம்.. இப்போதைக்கு எந்த முடிவுக்கும் வராமல் இருப்பதே அவனுக்கு நல்லது என தீர்மானித்தான் சசி…..!!!!!!
